Pa ver los caberos anovamientos d'esti ficheru "lléeme" (n'inglés), visita http://www.openoffice.org/welcome/readme.html
Esti ficheru contién información importante sobre esti programa. Llei esta información con procuru enantes de ponete a trabayar.
La comunidá d'OpenOffice.org, responsable del desendolcu d'esti productu, quier invitate a participar como miembru de la comunidá. Los usuarios nuevos pueden visitar el sitiu de OpenOffice.org que contién información valible en http://www.openoffice.org/about_us/introduction.html (n'inglés)
Llee tamién les faces siguientes tocante a cómo formar parte del proyeutu OpenOffice.org.
OpenOffice.org is free for use by everybody. You may take this copy of OpenOffice.org and install it on as many computers as you like, and use it for any purpose you like (including commercial, government, public administration and educational use). For further details see the license text delivered together with OpenOffice.org or http://www.openoffice.org/license.html
Pues usar esta copia de OpenOffice.org llibre de cargos porque contribuidores individuales y patrocinadores corporativos, diseñaron, desendolcaron, probaron, tornaron, documentaron, sofitaron, espublizaron, y ayudaron de munches formes a facer lo que güei ye OpenOffice.org - los líderes mundiales del software d'oficina llibre..
Si aprecies los sos esfuercios y quies asegurate de que OpenOffice.org continúe nel futuru, considera contribuyir col proyeutu - pa mayores detalles llee http://contributing.openoffice.org (n'inglés). Toos tenemos contribuciones que podemos facer.
OpenOffice.org requier una versión reciente de JAVA, que forma parte del paquete d'instalación de OpenOffice.org, pa una functionalidá completa.
Nucleu Linux versión 2.6.18 ó superior
Versión glibc2 2.5 o posterior
gtk version 2.10.4 o posterior
Pentium compatible PC (Encamiéntase Pentium III o Athlon)
256 MB RAM (encamiéntase 512 MB RAM)
Espaciu disponible nel discu duru de fasta 1,55 GB
X Server con resolución de 1024x768 (encamiéntase alta resolución), con al menos 256 colores
Xestor de Ventanes
Gnome 2.16 o superior, colos paquetes gail 1.8.6 y at-spi 1.7, requeríos pal sofitu de les ferramientes de teunoloxía d'asistencia (AT tools)
Esiste una amplia variedá de distribuciones Linux, inclusu dientro de la mesma distribución puede haber diferentes opciones d'instalación (KDE vs Gnome, etc). Dalgunes distribuciones vienen coles sos propies versiones 'natives' de OpenOffice.org, que pueden tener carauterístiques distintes dende esta Comunidá OpenOffice.org. Dalgunes vegaes puedes instalar la Comunidá OpenOffice.org, xunto con la versión 'nativa'. Sicasí, ye usualmente más seguro desaniciar les versiones 'natives' enantes d'instalar esta versión. Consulta la documentación de la to distribución pa más detalles de cómo facelo.
Ye recomendable que faigas siempres una copia de seguridá del to sistema enantes de desaniciar o instalar software.
Comprueba que dispones d'abonda memoria llibre nel direutoriu temporal del sistema y que tenga drechos d'accesu de llectura, escritura y execución. Enantes d'aniciar la instalación, zarra tolos demás programes.
El motor de la base de datos Berkeley anovóse nesta versión de OpenOffice.org. El motor de la base de datos anováu introduz una incompatibilidá colos datos d'usuariu pa estensiones instalaes pa les versiones del OpenOffice.org enantes de la 3.2 que pudiere requerir la to aición si baxes la versión del to OpenOffice.org.
La versión de OpenOffice.org convertirá la to base de datos d'estensiones al nuevu formatu de Berkeley al momentu que s'instale o desanicie estensiones. Dempues d'esta conversión, la base de datos yá nun podrá lleese por versiones anteriores de OpenOffice.org. Regresar a versiones anteriores puede resultar en problemes nel instalador.
Si regreses a una versión anterior de OpenOffice.org, tendrás de desaniciar el direutoriu de datos d'usuariu {datos d'usuariu}/uno_packages, por exemplu ~/.openoffice.org/3/user/uno_packages, y reinstalar toles estensiones.
Si tienes problemes al aniciar OpenOffice.org (especialmente durante l'usu de Gnome), 'quita' la variable d'entornu SESSION_MANAGER dientro de la terminal qu'uses p'aniciar OpenOffice.org. Esto puede facese amestando la llinia "unset SESSION_MANAGER" al entamu del ficheru de comandos soffice que s'alcuentra nel direutoriu "[carpeta del office]/program".
Les dificultaes al aniciar OpenOffice.org (por exemplu, aplicaciones colingaes), asina como problemes cola visualización en pantalla de vezu los causa'l controlador de la tarxeta gráfica. Si ocurren estos problemes, por favor, anueva'l controlador de la tarxeta gráfica o intenta usar el controlador de gráficos entregáu col sistema operativu. Les dificultaes p'amosar oxetos en 3D de vezu puen iguase desactivando la opción "Usar OpenGL" en "Ferramientes - Opciones - OpenOffice.org - Vista - Vista 3D".
En OpenOffice.org sólo se puen usar les tecles d'accesu direutu (combinaciones de tecles) que use'l sistema operativu. Si una combinación de tecles de OpenOffice.org nun furrula como se describe na ayuda de OpenOffice.org, mira a ver si esi accesu direutu yá lu usa'l sistema operativu. Pa resolver estos problemes, puedes camudar les tecles asignaes pol sistema operativu. Tamién, puedes camudar casi cualesquier asignación de tecles en OpenOffice.org. Si quies más información, consulta l'ayuda de OpenOffice.org o la documentación d'ayuda del sistema operativu.
El bloquéu de ficheros ta habilitáu de mou predetermináu en OpenOffice.org. Nuna rede qu'use'l protocolu de "Sistema de ficheros de rede" (NFS), el degorriu de bloquéu pa veceros NFS tien de tar activu. Pa desactivar el bloquéu de ficheros edita'l ficheru de comandos soffice y camuda la llinia "export SAL_ENABLE_FILE_LOCKING" a "# export SAL_ENABLE_FILE_LOCKING". Si se desactiva'l bloquéu de ficheros, l'accesu d'escritura sobre un documentu nun se restrinxe namái al usuario que lu abrió primero.
Avisu: Activar la función de bloquéu de ficheros puede date problemes en Solaris 2.5.1 y 2.7 al usalos con Linux NFS 2.0. Si l'entornu del sistema tien estos parámetros, recomiéndase abondo el non usar la función de bloquéu de ficheros. De lo contrario, OpenOffice.org va bloquease cuando intentes abrir un ficheru dende un direutoriu montáu con NFS nun equipu con Linux.
Pa tener más información tocante a les carauterístiques d'accesibilidá en OpenOffice.org, visita http://www.openoffice.org/access/ (n'inglés).
La páxina principal d'asistencia http://support.openoffice.org/ ufre delles posibilidaes d'ayuda con OpenOffice.org. La so entruga yá puede tener una rempuesta - verifícalo nel foru de la comunidá en http://user.services.openoffice.org o gueta nos ficheros de la llista de corréu 'users@openoffice.org' en http://www.openoffice.org/mail_list.html. Otra alternativa ye unviar les entrugues a users@openoffice.org. Nesta página, http://wiki.services.openoffice.org/wiki/Website/Content/help/mailinglists, desplícase cómo soscribirse a la llista (pa recibir una rempuesta por corréu).
Tamién, verifica la seición d'entrugues frecuentes (FAQ) en http://wiki.services.openoffice.org/wiki/Documentation/FAQ.
El sitiu web de OpenOffice.org agospia IssueZilla, el nuesu mecanismu pa informar sobre problemes y fallos, y pa facer un siguimientu d'ellos ya igualos. Encamiéntase a tolos usuarios que se decidan, porque los informes de fallos que puedan surdir nuna plataforma específica agradeceránse. L'informe exhaustivu de los problemes ye una de les contribuciones más importantes que la comunidá d'usuarios pue facer al desendolcu y meyora del conxuntu d'aplicaciones.
La Comunidá de OpenOffice.org podría beneficiase asgaya de la to participación activa nel desendolcu d'esti importante proyeutu de software abiertu.
Como usuariu, yá yes una parte pervaloratible del procesu de desendolcu d'esta suite y nos prestaría encamentate que xuegues un papel entá más activu, col envís de facete collaborador a llargu plazu de la comunidá. Xúntate y mira la páxina d'usuarios en http://incubator.apache.org/openofficeorg/get-involved.html
La meyor manera d'entamar a contribuyir ye inscribise nuna o más llistes de mensaxes, caciplar un tiempu y usar gradualmente los ficheros de mensaxe pa familiarizase con daqué tema tratáu dende que'l códigu fonte de OpenOffice.org se lliberó n'ochobre de 2000. Cuanto teas más a gustu, lo único que tienes que facer ye mandar un corréu-e de presentación y entamar a participar. Si tas familiarizáu colos proyeutos venceyaos al códigu fonte, examina la nuesa llista To-Dos y mira a ver si hai daqué no que te prestaría ayudar en http://development.openoffice.org/todo.html (n'inglés).
Equí tienes dalgunes llistes de corréu del Proyeutu a les que puedes soscribite en http://incubator.apache.org/openofficeorg/mailing-lists.html (n'inglés).
Noticies: ooo-announce@incubator.apache.org *encamiéntase pa tolos usuarios* (tráficu llixeru)
Foru principal d'usuarios: ooo-users@incubator.apache.org *manera fácil pa siguir les discusiones* (tráficu pesáu)
Proyeutu de marketing: ooo-marketing@incubator.apache.org *más allá del desendolcu* (casi pesáu)
Llista xeneral de collaboradores de códigu: ooo-dev@incubator.apache.org (moderáu/pesáu)
Puedes faceer contribuciones pergrandes a esti proyeutu de códigu abiertu anque tengas poca esperiencia colos códigos o'l diseñu de software. ¡Sí, Tu!
En http://incubator.apache.org/openofficeorg/get-involved.html atoparás una primera güeyada de xeres pa facer, que van dende la llocalización, control de calidá, ayuda al usuariu, a proyeutos reales de codificación del núcleu. Si nun yes desendolcador, prueba col proyeutu de documentación o de márketing. El proyeutu de márketing d'OppenOffice.org aplica téuniques comerciales tradicionales o de guerrilla al márketing de software de códigu abiertu, reblagando barreres culturales ya idiomátiques, de mou que puedes collaborar cenciallamente dando a conocer esti productu, o comentándo-y a dalgún collaciu esti conxuntu d'aplicaciones ofimátiques.
Pues ayudar inscribiéndote na llista de corréu de márketing ooo-marketing@incubator.apache.org o visitando la Rede d'Información y Promoción en http://marketing.openoffice.org onde pues dar un puntu de contautu de comunicación con prensa, medios, axencies del gobiernu, consultores, escueles, grupos d'usuarios de Linux y desendolcadores nel to país o comunidá llocal.
Esperamos que te preste trabayar col nuevu OpenOffice.org 3.4.1. Xúnite a nós en llinia.
La comunidá d'OpenOffice.org
For detailed information about used and or modified source code see the NOTICE file whihc is part of the installation.